سلام عليك يازمانى الكل بتحركة خيوط وساير مش دارى واللى وخداة الأمانى واللى سارح فى ملكوتة واللى سايبها زى ماتمشى والكل مهموم على لقمة عيشة وازى يدبرها وهدمة المدارس وفستان العيد وقبل كل دة مصاريف رمضان اتارى كل شىء بقى نار والناس نايمة ماتدراش آل اية الحكومة رفعت الأسعار قبل ما يوصل مليم من دعم الأموات يعنى يا أخوية كل حاجة بتيجى على سهوة زى الموت مالهش ميعاد تعرف انا نفسى فى اية نفسى اصحة الاقى الاسعار فى الحضيض ونفسى عالية وغالية زى زمان اصل الحقيقة تاهت وسط السراب مع اننا معندناش سراب كلة حقائق وعلى عينك ياتاجر صاحى نايم هى دى كل الحقائق ماهو قالوا زمان اللى معاه قرش ابنة يزمر واحنا راحت منا الغناوى والسهارى والحكاوى اصل انت مش عارف كلنا بلياتشو نضحك وقلبنا مهموم المهم نضحك ولا كدة هانطق نموت يلا بينا نضحك ها ها هاى
